வியாழன், 24 பிப்ரவரி, 2011

பூ

பிடித்த- பூ
பெயர் கேட்டாள்

ஏதோ நினைவு

சூரியகந்தியை
சொல்லிவிட்டேன்

வாடிப்போனாள்

விழங்காமலே
தவிக்கிறேன்

எப்படி
மறந்துபோனேன்

அவள் பெயரை

சிரிக்கவா அழுதிடவா....

சிறப்பு கட்டண
பாகுபாட்டில்
சீக்கிரம்
சாமிதரிசனம்

மாத சம்பள
அர்ச்சகரை
மகிழ்விக்க
தட்சணைகள்

கனமாய் கவனித்த
பக்தருக்கு
பூ பழம் புன்னகை
கௌரவப்பிரசாதம்

வாசலில் யானை

அர்ச்சகர்
கற்பூரம் காட்டி - அது
கருப்பு
கரம் நீட்டி

வெளியில்தான் விந்தயே..

தகுதிகள்
நிறைந்த
தரித்திரக்காரர்கள்

பிச்சை போட
அச்சப்படுகிறான் பக்தன் ?

வாங்கிய வரம்
தானத்தோடே
தானும் போய்விடுமாம்

யாராவது
ஒன்றைமட்டும்
விளக்குங்கள் - இங்கு

நான்
சிரிக்கவா
அழுதிடவா.....

செவ்வாய், 22 பிப்ரவரி, 2011

கவிழாமல்

காய்கறி கூடைக்கும்
கூடைக்காரி மண்டைக்கும்
இடைத்தரகராய்
முந்தானை

தோல்மீது தொத்தி
துயிலாடி திரிந்தால்
துரத்தும்விழி
எத்தனையோ

மார்ச்சுமை ஏந்தி
சும்மாடாய் சுருண்டதும்
மாறிவிட்டது
பார்வைகள்

தூக்கி இறக்கும்
ஒவ்வொரு முறையும்
குனிகிறாள்
கூடைவரை

தலை மட்டும்
கவிழாமலே உள்ளது
கந்தல்துணி
கிரீடத்தோடு

காற்றாய்

நேற்றைய
காற்றில் - நீ
நிறைந்திருப்பதாய்
நினைத்தேன்

சுவாசத்தை
நிறுத்தியிருக்க வேண்டும்

கோழைத்தனம்

காற்றுக்கு வேலிபோட்டு
விட்டுவிட்டதால்

விரட்டி விரட்டி
காயப்படுத்துகிறாய்

காற்றாய்

திங்கள், 7 பிப்ரவரி, 2011

புரியாத சூரியன்

நான் ஃபீனிக்ஸ் அல்ல - ஆனால்
ஃபீனிக்ஸ் _ ம்
என்னை போலத்தான்
சூரியனை
தொடலாம் தொடலாமென்று
முயல்கிறது

புரியாத சூரியன்
எரியத்தானோ - என்று
உரைக்கிறது
என்னிடம்
உன்னைப்போல

வியாழன், 3 பிப்ரவரி, 2011

துவக்கம்

நெல்லிக்காய்
கொடுத்தாள் - மறுநாள்
விடியல்
பல் கூசியது

எழுந்ததும்
பல்தேய்க்க
சொன்னாள்

அடடா அடடா

இங்கேதான்
அவள்
நினைவு துவங்கும்
ஒவ்வொருநாளும்

பஞ்சம்

கோவித்தால்
அவள்
கூடுதல் அழகு

எனக்கு
கொள்ளளவு
பஞ்சம்

அதனால்தான்
சிரிக்கவைத்து
ரசிக்கிறேன்

மௌனம்

மௌனம் - ஒரு
மொழியென்று
புரியசெய்தாள்

கடைசிவரை

அவள் மௌனத்தின்
பொருள்மட்டும்
புரியாமலே
எனைசெய்தாள்

அவள் !!!

சூத்திரம் புரியாமல்
தவிக்கிறேன்

நெஞ்சில்தான்
குடியேறினாள் - என்

தலையில்
கனமேரிவிட்டது

செவ்வாய், 1 பிப்ரவரி, 2011

கூர் கெட்ட காதல்

காதல்
கூர்கெட்டதுதான்

ஊர்ந்துவரும்
கம்பளிபூச்சிக்குள்ளுமா
தெரிவாள்
அவள்

அதுதான் சரி

சைக்கிள்
ஓட்டதெரியாது
அவளுக்கு

கற்றுக்கொடுக்க
பார்த்தேன் - சில
நப்பாசையோடு

உட்கார்ந்துகொள்ள
ஒத்திகை எதற்கென்றால் - ஆம்
அதுவும் சரிதான்

திங்கள், 31 ஜனவரி, 2011

நடிப்பு

நடிக்கவும் தெரிகிறது
எனக்கு

அவள்
இல்லாதபோதும்
சிரிக்கிறேன்

தெரியாமலே

காதலை - நான்
தெரிந்திருக்கவில்லை

இருந்தால் - என்றோ
உணர்ந்திருப்பேன்
எங்களுக்குள்
அதுதானென்று

ராஜமரியாதை

சில துணிகளுக்கு
ராஜமரியாதை

உடுத்திய அன்று
அவளை
பார்த்துவிட்டால்

சாமிக்கு தெரியும்

யாருக்கு எப்படியோ
சாமிக்கு தெரிகிறது

நாங்கள்
ஈருடல் - ஒர்
உயிரென்று

கோயிலில் - அவள்
வேண்டிக்கொள்வாள்

வீதியில் - எனக்கு
தரிசனம்

புதன், 26 ஜனவரி, 2011

எனக்காக

முதன்முதலில்
சேலை உடுத்திவந்தாள்
சிலைபோல
எனக்காக

இனி வேண்டாமென்றேன்

பின்னே - நான்
சிலையாகிபோனால் - அவள்
யாரோடு பேசுவாள்

இரட்டை பெயர்

அவளை நானும்
என்னை அவளும்
பெயர்சொல்லித்தான்
அழைத்துக்கொள்வோம்
ஓரு உயிர்
இரு பெயர்கள்

பேசுவதில்லை

நானும்
அவளும்
பேசிக்கொள்வதில்லை

தனக்கு
தானேபேசிக்கொண்டால்
பைத்தியமாமே ?

பார்த்தது பிடித்தது

கண்ணாடி
தொட்டிக்குள்
கருப்புவெள்ளை
மீன்கள்

வண்ணமில்லை
என்றாலும்
வசீகரம்

மூக்குக்கண்ணாடிக்கு
பின்னால்
அவள்
கண்கள்

வெள்ளி, 21 ஜனவரி, 2011

கூடை நிறைய குப்பை

மூங்கில்
கூடைக்காரி
முந்தானை சும்மாடு,

தலைக்கு
மேலே இருப்பதால்
கிரீடமா என்ன

கூடை நிறைய
குப்பை

சுமந்து போகிறாள் - ஆனால்
சும்மாதான்
கை வீசி போகிறாள்

கட்டி வைத்தாளோ
தலையோடுதான் - கூடையை
ஒட்டி வைத்தாளோ

தொட்டில் குழ்ந்தைபோல
தூங்கிப்போகிறது
சுமைகூ(டை)ட

புதன், 19 ஜனவரி, 2011

கொளுத்த வேண்டிய குற்றம்

அன்றைக்கும்
இன்றைக்கும்
என்றைக்கும் - அவள்
மட்டும் தான்
கற்புக்கரசி.............

காற்ச்சிலம்பை
உடைக்காத
நம் வீட்டு
கண்ணகிகள்...?

நாட்டிற்க்கோ,
வீட்டிற்க்கோ,
நற்பண்பிற்க்கோ,
மன்னனில்லை

கோவலன்

அடிமை
ஆடல் அழகிக்கு

அவன்
இருந்தாலென்ன,
தவறுதலாய்
இறந்தால்தான் என்ன ..?

இருந்தும்
எரிக்கிறாள்
ஊரையே !!

உரைக்கிறது
எல்லோர்க்கும்

கொலை
குற்றம் தான்

அதிலும்

கொற்றவன் குற்றமென்றால்
கொளுத்த வேண்டிய குற்றம்

படித்தோம்
படிப்போம்
எல்லோர்க்கும் எடுத்துரைப்போம்

இருந்தும்
தேர்தலில்....!??

வாய்ப்பிருந்தும்
விரைத்துப்போய்
வீணடிப்போம்.... அட

எரிக்க வேண்டாம்
எதிர்க்கவாவதுவேண்டாமா.......?

புதன், 12 ஜனவரி, 2011

உள்தாழ்ப்பாள்

மூக்குத்தி திருகாணி
மூச்சுக்காற்றாவது
உரசிச்செல்லும்
வேர்க்காமல்

உனக்கு
சன்னல் காற்றாவது
வருகிறதா
சுவாசிக்க

உன் வீட்டின்
உள்தாழ்ப்பாள்
வெளியில்
நான்

அத்துமீறினால்
உலகம்
ஏசும்

அது கிடக்கட்டும்

உனக்கும்
என் நினைவு
வருமா ????

காகமாக படைதிருக்கலாம்

மயிலாக !
குயிலாக !
கிளியாக !
வேண்டாம்

காகமாகவாவது
படைதிருக்கலாம்

கூட்டுக்குள் தான்
பிறந்திருப்பேன்- ஆனால்
இறக்கைகள்
முளைத்ததும்
இஷ்டம்போல் பறந்திருப்பேன்

சிக்கலான சம்பிரதாயங்கள்
சிந்தை முடக்கும்
சொந்தபந்தங்கள்

மனிதனாய் படைத்தது
தண்டிக்கத்தானோ..

செவ்வாய், 11 ஜனவரி, 2011

கூட்டுக்குள் கொலை எரிச்சல்

கொதிக்கும்
நெருப்பும் கூட
நான் கொஞ்சம்
முறைத்து பார்த்தால்
விழுங்கும்
தனலையும் - அது
கக்கும் அனலையும்

என் கூட்டுக்குள்
கொலை எரிச்சல்
குமட்டி
துப்பவும் முடியாமல்
குளிரவும் முடியாமல்
வெளிரிப்போய்
தவிக்கிறேன்

வீரமும்
வேகமும்
வேலைக்கு ஆகாத
அஹிம்சை போராட்டம்

அந்நியனோடா ..?
மகிழ்ச்சியோடு
மல்லுக்கு நிற்க...?

எனக்கு
அம்மா வேண்டும்
அவளும் வேண்டும்.

ஞாயிறு, 9 ஜனவரி, 2011

வசீகர புன்னகை

கூடி கூடி - சில
கொள்கைகள் சொல்லி

வாடிய பயிர்களே
உம்மை
வாழ்விக்க வந்தேனென்று
வசனங்கள் பேசி

தேடிய செல்வமெல்லாம் - தம்
வாரீசின்
பெயரில் நிரம்ப - தினம்

வசீகர புன்னகை வீசி

உலா வரும் நம்
சில அரசியல்
தலைவரைப்போல்

எங்கும்
அயோக்கியர்
எவருமுண்டோ...?

G.T.முருகன்

சனி, 8 ஜனவரி, 2011

நீதான் செய்யவேண்டும்

நீந்தி கடந்த
தூரம் பெரிதல்ல
மீனுக்கு

என்றாவது
கரைமீது விலுந்துவிட்டால்
தவ்வி குதித்து
தண்ணீருக்குள் வரவேண்டும்
அதுதான் அரிது

உயிர் பயம்
உள்ளூக்குள் இருந்து - ஒரு
உந்துதல் தரும்
உனக்கே தெரியாது

நீ
இத்தனை உயரம்
துள்ளி குதிப்பாய் என்று

ஆடிய ஆட்டமும்
பாடிய பாட்டும்
அத்துனை மகிழ்ச்சியும்

அடியோடு மறந்துபபோகும்
உச்சந்தலையில் - ஓர்
அடி விழுந்தால்

மகிழ்ச்சியை
தாங்கி நிற்கவோ - இல்லை
மரண வலி
தவிர்த்து நிற்கவோ

நிச்சயம்
நீதான் செய்யவேண்டும்

நிமிர்ந்து நிற்பதையும் - என்றும்
உயர்ந்தே நிற்பதையும்.

G.T.முருகன்

திமிர்

பயிற்ச்சி காலத்திலேயே
தீ பருகி
தீர்ந்துவிட்டதென்று
தாகம் தெரிவித்தவன் - இன்று

பட்டம் வாங்கியபின்
போற்த்தி படுத்தால்
பற்றிஎரியும்
கூரை தீ என்ன
பாவமென்றா விட்டுச்செல்லும்

விட்டம் வெறித்து
வெருமனே இருக்க
வீனனில்லை - இவன்
வீரன்

வீரம் என்பது
நினைவுகள் கூறி
நிமிர்ந்து இருப்பதல்ல
நிகழும் நொடியில்
ஜெயித்து நிர்ப்பது.

நிச்சயம் வெல்வேன்.

G.T.முருகன்